عشان نفهم قصة خامات التعدين لازم نبدأ من العنصر ..
ما هو العنصر ؟؟
العنصر هو مادة تتكون من نوع واحد من الذرات قد تكون ذرة واحدة او اتنين او تلاتة لكن ف النهاية هو نوع واحد فقط
و منها ما هو فلزى عنده ميول لفقد اليكترونات و منها ما هو لا فلزى عنده ميول لاكتساب اليكترونات ..
العناصر الفلزية زى الذهب و النحاس و الفضة و الحديد و غيرها ..
و اللافلزية زى الهيدروجين و الاكسجين و الكلور و الفلور و غيرها ..
و اذا اتحدت العناصر كونت لنا مركبات و تغيرت خواصها كليةً مثلا لو الهيدروجين و الاكسجين اتحدا يتكون الماء ..
و لو الكلور و الصوديوم اتحدا يتكون الملح ..
من هنا نقدر نبدأ الكلام عن الصخر و المعدن و الخام ..
ما هو المعدن ؟؟
المعدن هو مادة طبيعية صلبة غير عضوية لها تركيب بلورى و كيميائي محدد ..
ما هو الصخر ؟؟
الصخر هو نفس تعريف المعدن بشروطه الاربعة و يضاف له انه قد يتكون من معدن واحد او عدة معادن ..
ما هو الخام ؟؟
الخام …
هو نفس تعريف المعدن او الصخر و نحذف منه الاصل الغير العضوى يعنى نقدر نعتبر كل ما هو ذو اصل عضوى خام زى الفحم مثلا ..
و يضاف له شرط آخر غاية ف الاهمية و هو ان يكون غنيا بتركيز هذا المعدن او هذا الصخر ..
خامات التعدين لها من الاسرار العميقة ما تبوح به فقط لمن يحبها و يتعايش معها كواحد من العائلة الكريمة ..
خامات التعدين ممكن تكون ذهب و نحاس و فضة
و ممكن تكون فحم و ملح ..
و ممكن تكون خامات استراتيجة لصناعات خطيرة و دقيقة جدا زى الخلايا الشمسية و شرائح بلورات السيليكون و دى من خام السيليكا النقية سواء كان رمل ابيض او كوارتز بمواصفات خاصة ..
و ممكن تكون خامات اساسية لصناعات الاسمنت و حديد التسليح و اعمال الديكورات و الزينة ..
زى الحجر الجيرى بمواصفات خاصة و الجبس و الطفلة و اكاسيد الحديد الغنية بالحديد ..
و ممكن تكون خامات اساسية لصناعة الادوات الصحية و السيراميك و البورسلين و الزجاج ..
و ممكن تكون احجار طبيعية للزينة و الارضيات زى الرخام و الجرانيت و البازلت و غيرها ..
تحياتى
محمد امام ⚒